Малоритское благочиниеНовостиНовости благочинийНовости епархииСобытия

З хрэсным ходам – да Лукаўскай іконы Божай Маці

30 чэрвеня 2022 года адбыўся ўжо восьмы па ліку агульнаблагачынны пешы хрэсны ход да Лукаўскай іконы Багародзіцы. Ён традыцыйна ішоў праз аг. Ляхаўцы, в.Асавая, аг.Макраны, в.Вужова. Агульная працягласць маршруту – больш за 25 кіламетраў.

Ушанаванне Лукаўская ікона Божай Маці не мае строга фіксаванай даты.  Штогод свята адзначаецца ў пятніцу на дзясятым тыдні пасля Вялікадня. Апошні раз лукаўская ікона Багародзіцы масава ўшаноўвалася, па словах старажылаў, напрыканцы 50-ых гадоў ХХ стагоддзя.

30 чэрвеня, у 9.40 ад храма свяціцеля Мікалая Цудатворцы (г.Маларыта) з песнапеннямі пачаўся хрэсны ход. Сёлета яго ўзначаліў настаяцель прыхода ў гонар святой вялікамучаніцы Параскевы Пятніцы аг.Арэхава протаіерэй Анатоль Дударчук.

У 11.15 хрэсны ход ужо быў ля храма ў гонар Нараджэння Прасвятой Багародзіцы аг.Ляхаўцы. Пад царкоўны перазвон паломнікаў сустракалі мясцовыя жыхары і настаяцель храма протаіерэй Віталь Равінскі. Пасля трапезы і непрацяглага адпачынку хрэсны ход з песнапеннямі працягнуў свой шлях далей: праз в.Асавая ў аг. Макраны.

У Макраны хрэсны ход зайшоў у мясцовы храм Нараджэння Прасвятой Багародзіцы. Тут пад царкоўны перазвон  паломнікаў сустракаў настаяцель храма іерэй Сергій Капанька з вернікамі. Пасля малебна ўсім беларускім святым за беларускі народ і паломнікаў, трапезы і непрацяглага адпачынку хрэсны ход у з песнапеннямі накіроўваецца ў бок Вужова.

                                                                                            Мікалай НАВУМЧЫК.